EDITORYAL - Police visibility atol sa Kapaskohan

Tungod sa nagsingabot nga Kapaskohan, ang kapolisan sa Sugbu nagpaabot nga mosaka ang mga kaso sa pagpangawat, pagpanglabni, pagpang-hold-up ug uban pang mga susamang matang sa krimen.

Gipangandaman na kini sa kapolisan ug uban pang mga tinugyanan sa balaud.

Kun tugotan kami sa pagpadayag og sugyot, maayong pahinumdoman ang kapolisan nga ang maong gipanglantawan nga mga krimen sa kadanan mahimong kamenosan, kun dili man gani hingpit nga kapugngan, kun palapdan ang police visibility.

Mga unipormadong polis papatrolyahon. Ang mga unipormadong polis ra gyud ang makapakgang sa krimen, dili kadtong mga nagsul-ob og sibilyan nga sapot sama sa t-shirt ug maong jeans.