Enjoy lang sa pagod
Mga kapatid, pagod na ba kayo?
Pagod sa asawa, sa kasintahan. Pagod sa anak. Pagod sa trabaho. Pagod sa problema. Pagod sa kakaisip. Pagod sa buhay.
‘Yung gising ka pero parang lutang. ‘Yung maraming ginagawa pero walang natatapos.
Normal ‘yan. Tawag d’yan sa psychology: mental fatigue o pagod ang isip.
Hindi ibig sabihin nun na tamad ka. Tao ka ring napapagod.
Alam ni Lord ‘yan. Kaya nga sabi Niya: “Lumapit kayo sa akin, kayong nahihirapan at nabibigatan, at bibigyan ko kayo ng kapahingahan.” Mateo 11:28
Kaya kapatid, ENJOY LANG! Paano? Ito ang 3 simpleng Lunas:
1. Huminto ng sandali.
Hindi ka robot. Limang minuto lang. Umupo. Pumikit. Huminga ng malalim.
Sa katahimikan, nandoon si Lord.
2. Ibigay kay Lord - Pasa Lord.
Kung may “Pasa Load”, Mayron ding “Pasa Lord.” Isulat mo sa papel lahat ng iniisip mo. Tapos dasal: “Lord, pinapasa ko po ang lahat sa inyo - bahala Ka na. Bathala - Dios kita! Ako’y napapagod na po.”
Ang gaan sa pakiramdam ‘pag naipasa at naibuhos kay Lord.
3. Matulog ng Maayos.
Ang pahinga ay hindi katamaran. Utos ‘yan ng Diyos.
Sa mga Hudyo, ‘yan ang “Sabbath.”
Swak na swak ngayon - Sabado! Pahinga, kapatid.
“Maaga sa paggawa, maaga sa pagtulog.” Para kinabukasan, may lakas ka ulit.
Tandaan:
Ang bawat Gising ay Blessing!
Hindi mo kailangang solusyunan lahat ngayon.
Isang araw lang muna. Isang problema lang muna.
Kaya ngayong araw, ENJOY LANG!
Magpahinga. Ngumiti. Magpasalamat.
Damang-dama mo ang pag-ibig at pag-aalaga ni Lord, ni Jesus.
Bendisyunan po kayo ng Poong Maykapal!
Kita-kits ulit tayo bukas, Linggo, sa isa pang “Enjoy Lang!”
- Latest
