Gikan sa cellphone number 0919-5108980: “Sir, sa among lugar ba sa isla sa Bohol, nganong dili man masumpo o ma-control ang illegal fishing ug drugs? Nahitabo ni sa Bilangbilangan West. Ang gamit nila dinamita.” -- 03:09:38--August 6, 2007.
Atong sangpiton ang atensiyon sa mga barangay opisyal sa Bilangbilangan West, mga sakop sa Bantay Dagat ug ubang tigpatuman sa balaod sa pagsusi niining gisumbong sa atong texter. Tiaw ba nga bisan sa isla mikuyanap na man diay ang drugas. Unya wala pa gayod masumpo kanang mga mananagat nga naggamit og dinamita!
Labing maayo nga masusi kun tinuod ba kini o dili. Kun tinuod man, kinahanglang masumpo gayod kining maong kalihokan. Ang pagpabuto og dinamita aron pagkuha sa isda makadaot sa ubang kinabuhi nga anaa sa ilawom sa dagat. Kanang drugas, utro pod nga makadaot sa kinabuhi sa katawhan ilabi na sa mga batan-on. Mao nga angay gayod kanang sumpoon sa hingpit.
* * *
Sa laing bahin: “Good day. Usa ako ka customer sa usa ka cellshop nga naa atbang sa SM buyon sa Happy Herbs. Nipalit ko og cellphone nga ang unit Sony Ericsson. Nadani ko kay ang giingon sa tindera brand new ug barato ra. Pagdala nako sa among balay mo-hang-up man. Pagkaugma ako dayon gibalik sa ilang tindahan. Giablihan sa ilang tindera ug gihatag sa ilang technician. Pagkahuman niingon sila nga tampered daw ang sticker. Mao to nga naayo ra. Pag-abot og duha ka adlaw nibalik na sab og hang-up. Ang akong gikahibudngan kun nganong dali rang mo-hang-up. Dali ra kaayo naguba ang cellphone. Gibalik dayon nako sa ila kay pailisan unta og laing unit kay naa pa man sa warranty apan napakyas ko tungod lagi daw sa sticker nga na-tampered. Ako silang gilalis nga wala nako paablihi og laing technician, saksi gyud ang Ginoo. Mao to nga ilang gipabilin ang unit kay kuno ilang ipaayo sa ilang supplier. Pila ka adlaw nga sige kong balik didto para makuha ang cellphone. Hangtod napul-an kog huwat ako na lang gikuha bisan wala gihapon maayo. Daghan na ming nabiktima niini.” -- 0916-4085748 (08:10:47pm--August 5, 2007)
Binuang ning ila. Isulay nig refer sa DTI.
(Sumbong ug reklamo? Text sa 0910-8105522)