Matinud-anong paglihok

Ginaingon nga ang ebanghelyo sumala ni San Lukas kapitulo 6 bersikulo 6 ngadto sa 11 nga naghisgot sa pag-ayo sa tawong kuyos og kamot gikomentaryohan sa mga ebanghelyong apokripal nga: Kadtong tawo nga kuyos og kamot usa diay ka mason. Ang maong tawo nangamuyo kang Jesus nga nagkanayon: "Kaloy-i intawon ko Ginoong Jesus! Usa ko ka Mason. Hatagi ko'g balik balik akong kabaskog aron dili na nako pangayoon ang akong pagkaon diha sa kaulaw!

Pamalandong

Usa siya ka tawo nga buot molihok. Ang Dios mahimuot kanila nga naningkamot ug mohimo og usa ka matinud-anong pagtrabaho aron mabuhi.