EDITORYAL — Nawala ang paghatag katahuran

Si Dr. Larry Gabao, ang chairman sa miaging Sinulog board of judges, gikutlo nga nag-ingon:

"The Santo Niño has become almost like a prop in every Sinulog presentation ... The veneration is almost non-existent."

Sa matag presentasyon sa Sinulog og kuno ang Santo Niño nahimo na lang nga morag pang-adorno ug ang paghatag og katahuran sa Senyor hapit nang nawa.

Tinuod baya kini. Ang imahen sa Santo Niño giwarawara kini sa mga lead dancer sa matag contingent. Ug atong makita nga kasagaran kanila nagngisi ug wa magpakita sa ilang tinuod nga benerasyon sa Senyor.

Daghan nang nakamatikod niini ug nakasaway usab apan karon pa nga adunay usaka distinggido nga tawo nga mipadayag sa iyang hunahuna bahin niini. Si Dr. Gabao kanhi pangu sa Cultural Center of the Philippines.

Manghinaut kita nga kining obserbasyon ni Dr. Gabao makahatag og tinuod nga pagpangatahuran sa Santo Niño gikan sa mga sakop sa mga contingent nga mangapil sa umaabot nga mga Sinulog festival.