na ang kahulugan —- dapat ay magtipid;
Kung hindi ganito tayo’y magigipit
at marami tayong hindi makakamit!
Palibhasa’y baboy, iba ang ugali
Nang maraming tao na ating kalimpi;
Kung di magtitipid tatapong palagi
ang kaunting perang sa ati’y babati!
Pero itong baboy sa ating paningin
ay may ugali ring magandang manahin;
Ang trabaho nitong masarap kumain
lubhang kailangan ng mga sakitin!
At saka ang baboy laging nakayuko
kababuyan nila ay itinatago;
Di sila katulad ng maraming tao —
masamang ugali ay display pa nito!
Ang huling numero ay numero siyete
ang ibig sabihin ay mabuting s’werte;
Palakol ang hugis pahilig ang korte
kung kaya sa bukid ay saganang ani!
At saka ang siyete tingnan mo pare ko
mistulang palakol -— buwenas sa negosyo;
Kapag ibinaon sa lupang pangako
bubukal ang gintong doo’y nakatago!
Masdan mo ang baboy -— malaki ang tiyan
kung malaking bulas mabigat ang timbang;
Ito ay simbulo na dapat tandaan
tayo’y nahaharap sa kasaganaan!
Kabuhayan nati’y magiging sagana
at mababawasan ang mga sakuna;
Trahedyang matindi maaring mawala
kung ang mga tao’y magiging payapa!
Kaya ngayong 2007 naYear of the Pig
tayo ay matutong sa Diyos ay lumapit;
Kung kapanig Siya sa lahat ng saglit
tayo ay malayo sa sumpa ng langit!