Ex-Cabinet secretary nawawalan ng P800-M sa iniwanang departamento

ALAM n’yo bang nawawala ang P800 milyong pondo ng isang departamento ng pamahalaan na iniwanan ng dating Cabinet member?

Ayon sa aking bubwit, 135 days na lang at Pasko na.

Happy birthday kay Myrna Macalma, Andrea Mariel Uy Ungson, Virginia Mandapat, Capt. William Galvez, Roberto Cruz at Venus Bulatao.

* * *

Alam n’yo bang nawawala ang P800 milyon pondo ng isang departamento na iniwanan ng isang dating cabinet member ni President Arroyo?

Ayon sa aking bubuwit, nagulat ang mga auditors ng pamahalaan at mga opisyal ng isang departamento sa laki ng halagang nawawala sa kanilang pondo.

Natuklasan ang pagkawala ng malaking halaga ng pondo nang mag-take over ang isang Officer-in-Charge sa iniwanang posisyon ng ex-Cabinet member.

Ayon sa aking bubwit, bagamat natuklasan na ang pagkawala ng napakalaking halaga ng pondo, hindi umano ito ipinapalabas ng gobyerno.

Sikreto raw muna ang nasabing balita kaya lang nalaman kaagad ito ng aking bubuwit.

Gustong ilihim muna ng pamahalaan ang pagkawala ng P800 milyong pondo upang hindi raw sila maakusahang gumaganti sa dating opisyal.

Ang sangkot kasing opisyal ay kasama sa mga 10 dating opisyal ng pamahalaan na nag-Hudas kay GMA.

Ang dating Cabinet member na natuklasang may nawawalang malaking halaga ng pondo ay opisyal na malapit-na-malapit noon kay GMA.

Siya ay magaling kumanta.