Dahil sa mabilis na pagkaubos ng natural resources o pinagkukunan natin ng ating pangangailangan sa araw-araw, nabuo ang Agenda 21 na naglalayong ipatupad ang sustainable development na makapagpapabago ng ating paraan ng paggamit natin ng mga likas na yaman.
Dahil sa kagustuhan ng pamahalaan na maisalba ang natitira pang likas na yaman, hindi lang ng ating bansa kundi ng buong mundo, patuloy ang pagsasakatuparan ng sustainable consumption. Makalipas ang isang dekada nabuo ang World Summit on Sustainable Development sa Johannesburg noong 2002. At kamakailan lamang ay binuo rin ang United Nations Millennium Development.
Ang mga programang ito ay nagtatakda upang maisakatuparan ang mga hakbangin ukol sa likas-kayang pag-unlad. Ang layuning ito ang pilit na inaabot upang maisalba sa panganib ang buong sangkatauhan.
Ang Pilipinas sa pamamagitan ng Department of Environment and Natural Resources (DENR) ay isa lamang sa napakaraming bansang nagpapatupad ng mga programang sumusuporta sa mga layuning ito.