Sumulat ako dahil sa nababalitaan kong ‘‘Rent-to-Own Program’’ ng ating pamahalaan. Matagal-tagal na akong nangungupahan. Gusto kong humingi ng impormasyon kung paano mag-aaply dito. Nagtatrabaho ako bilang security guard. Anu-ano ang mga requirements at kung saan ako pupunta? –Juan Herrera, Taguig.
Ang ‘‘Rent-to-Own Program’’ ng Pag-IBIG, ang pina-kabagong housing program ng gobyerno. Maaari kang maka-avail nito kung ikaw ay member ng Pag-IBIG. Kailangang isumite ang mga sumusunod na requirements: 1.) Employment ID; 2.) Certificate of Employment and Compensation; 3.) Latest Community Tax Certificate; 4.) 4 pcs. 2 X 2 colored ID photo; 5.) Employer State Accumulated Value; 6.) Latest payslip; 7.) Marriage contract at 8.) At iba pang hihingin sa inyo ng opisina ng ‘‘Rent-to-Own program’’
Kailangang pumunta sa seminar na ginaganap tuwing Sabado, 8 a.m. sa Ground Floor, Atrium Bldg., Makati Avenue, Makati City. Maaari kang tumawag sa 810-21-26 o 811-44-01 loc 280 sa karagdagang detalye.