Di matudlo apan madestino
Dunay executive order si anhing presidente Cory Aquino nga nidason sa hingpit nga pagpatuman sa probisyon sa 1987 Constitution nga nagdili sa pagtudlo ni bisan kinsang sakop sa Armed Forces of the Philippines (AFP) nga aktibo sa serbisyo sa bisan unsang sibilyan nga katungdanan sa gobyerno apil na sa iyang mga korporasyon.
Ang Executive Order No. 371 nga giluwatan niadtong Septiyembre 28, 1989 nga nimando sa hingpit nga pagtuman sa Section 5, Sub-section 4, sa Article 16 sa 1987 Constitution mahimong dugang babag sa gisugo ni Presidente Rodrigo Duterte nga hingpit nga military takeover sa Bureau of Customs (BOC).
***
Ang EO 371 niklaro sab unsa ang sibilyan nga mga katungdanan nga di mahimong huptan sa mga sakop sa AFP:
•A plantilla item where the Civil Service Commission has prescribed the corresponding qualifications and civil service eligibilities for appointment thereto;
•A Career Executive Service (CES) position where the position and compensation are prescribed by law and regulations; or
•Although non-plantilla or a non- CES position, the very nature of the job does not require military training, experience and/or expertise or the functions of the position are obviously civilian in nature.
***
Apan ang EO 371 naghisgot og posibleng lusot sa plano ni Presidente Duterte: Ang Executive Order No. 41 nga giluwatan ni anhing presidente Ferdinand Marcos niadtong Septiyembre 2, 1966 mao na karoy gigamit ni Justice Secretary Menardo Guevarra pag-insistir nga mapatuman ang military takeover sa BOC.
Gitugotan sa EO 41 ang pagdestino (detail of assignment) sa mga sakop sa AFP sa sibilyan nga mga buhatan. Matod ni Guevarra di mahimong “itudlo” apan mahimong “idestino” ang kasundalohan sa BOC.
***
Apan ang EO 41 ni Marcos nipahamtang og mga kundisyon nga mahimong makababag sa sugo ni Presidente Duterte nga pulihan og mga sundawo ang tanang opisyal ug kawani sa BOC nga iyang gipasanginlan nga pulos nag-atubang og mga kaso sa pagpangawkaw:
•Ang gidaghanon sa mga sundawo nga idestino sa sibilyan nga mga katungdanan di molapas sa 0.5% sa mga opisyal ug 0.2% sa enlisted personnel; ug
•Ang pagdestino sa mga sakop sa AFP sa sibilyan nga mga katungdanan di molapas sa unom ka buwan.
- Latest
