Grand Halad sa Kapamilya

Labing gikinahanglan sa Grand Halad sa Kapamilya, ang labing dakong piyesta sa libreng mga pangalagad, nga himuon sunod Sabado, Nobyembre 12, sa Cebu Technological University (CTU) Main Campus sa M. J. Cuenco Ave., Cebu City, mao ang mga doktor nga mohiling sa panglawas ug mga dentista nga mangibot og ngipon sa kaliboan ka labing kabos ug labing masakiton nga mga pasyente sa Sugbo ug kasilinganang mga lalawigan.

Kon doktor o dentista ka ug makahigayon, hangpon namo ang imong tampo.  Di ka kinahanglan nga magpabilin sa tibuok adlaw.  Mahimong moalagad sud lang sa usa o duha ka oras.  Sa buntag.  O sa hapon.  Ang Grand Halad sa Kapamilya himuon gikan sa alas-6 sa buntag hangtod sa alas-5 sa hapon.  I-text lang ko palihog sa 09175903518.  Daghang salamat daan.

* * *

Daghang salamat sab sa mga nitanyag na sa ilang Halad.  Libreng veterinary services (rabies vaccination, kapon, ligate ug purga) ang ihalad sa buhatan ni Cebu City Veterinarian Alice Utlang; basketball clinic ang halad ni Bobby Inoferio; laboratory services (chest x-ray, CBC, FBS, total cholesterol, urinalysis ug blood typing) ang halad sa Chong Hua Hospital;

Local ug overseas job fair ang ihalad sa Munisipyo sa Liloan; hosting seminar ang halad sa DYLS DJs; TV newswriting seminar ang ihalad sa TV Patrol Central Visayas; business plan seminar ug pasiunang puhonan ang halad sa Kapamilya Negosyo Na! sa USC College of Commerce Alumni Association Inc.; IELTS preview ug workshops ang ihalad ni Tisha “Inday Tikay” Ylaya;

* * *

Masahe ang ihalad sa Bright Pathway Association (kahugpongan sa mga napagngan sa kahayag) ug International Pharmaceuticals Inc. (IPI); 50 ka lunch packs ang halad sa Mabolo Bam-i House; hog raising seminar, BBQ ug puso ang halad sa Central Visayas Pork Producers Cooperative; tupi ang ihalad sa hairstylist nga si Denden Lim;

Volleyball clinic ang halad ni kanhi National Team member Jojie Maranga; PC reformatting ang ihalad ni Ethel Seguisabal; water stations, toothbrush, toothpaste, printing and photocopying services ang ihalad sa Kyocera Mita Technology Devt. Philippines, Inc.; housing loan applications seminar ang halad sa Pagibig;

* * *

Medical ug legal services ug mga seminar sa negosyo ang halad sa Filipino-Cebuano Business Club nga gipangulohan ni Rey Calooy; legal ug notarial services ang ihalad sa Integrated Bar of the Philippines (IBP) Cebu Chapter ug Gullas Law School; mass feeding ug children’s games ang halad sa Bantay Bata 163; ug radio newswriting seminar ang ihalad sa DYAB Abante pa, Bisaya!

Palihog, timan-i nga way tawo, bisan unsa pa ka-adunahan, nga wa magkinahanglan og tabang ug way tawo, bisan unsa pa kakabos, nga way katakos sa pagtabang.

Unsa may imong Halad?

* * *

Email: [email protected].