^

Opinion

Extortionists

BIRADOR - Rene U. Borromeo -

Kinsa kaha kining mga tawo nga mamik-ap sa mga asawa sa piniriso diha sa Cebu City Jail nga nag-atubang og kaso nga paglapas sa balaod sa drugas unya ilang kilkilan og kwarta bugti sa ilang kaluwasan?

Kanunay na man diay kini nga mahitabo diha sa barangay Kalunasan apan mahilom lang kay sa kahadlok sa mga hingtungdan mobayad na lang sila kay sa mag-atubang sila’g kaso didto sa hukmanan human sila planteran og drugas sa nagdakop kanila.

Nakadawat ko og kasayuran nga kaniadtong Dominggo sa hapon may gipik-ap na usab nga asawa sa priso human nga mibisita sa iyang bana sa Cebu City jail.

Ang gidakop mao si Marsha Pagubo nga asawa ni Fernando Pagubo kinsa nabilanggo tungod sa kaso sa pagbaligya’g shabu. Ang akong informer sa Cebu City jail mireport nga wala mahibaw-i kon si kinsa ang midakop ni Marsha.

Samtang hapon pa gipik-ap human si Marsha migawas sa Cebu City jail gikan nga mibisita sa iyang bana, gabii na lang wala pa siya buhii. Ang akong informer diha sa bilanggoan mireport nga gipangayoan si Marsha og P100,000 sa nagdakop kaniya.

Gibutang-butangan kini nga nagdala og shabu mao nga gidakop. Ang akong informer miingon nga dili gayud katoohan ang pasangil kay pagsulod ni Marsha sa BBRC nga mibisita sa iyang bana giayo kini pagrekisa sa mga jail officers.

Apil nga gihiling pag-ayo mao ang tanang mga butang nga gidala ni Marsha. Huboan ka pa man gani og senina kon mosulod diha sa prisohan unya nagdala na hinoon og shabu? Gireport nako kini ngadto ni Mayor Michael Rama.

Si Rama mimando sa kapolisan nga imbestigahon ug himoan dayon og lakang aron posibleng madakpan ang mga tawo nga giingong nangilkil ni Marsha.

Apan ang mga sakop sa Theft and Robbery Section (TRS) nga makighinabi unta sa bana ni Marsha wala pasudla sa mga gwardya sa city jail.

Nahibaw-an nako nga kaniadtong Dominggo sa gabii ang mga midakop ni Marsha mipakunhod sa gidemanda nga P100,000 ngadto na lang sa P50,000.

Sa akong paningkamot, nakontak nako si Marsha samtang gihimo nako kining maong lindog. Gikonpirmar ni Marsha nga tinuod nga gipik-ap siya og wala hiilhi nga mga tawo human siya mibisita sa iyang bana.

Gipahunong sa wala hiilhing mga tawo ang gisakyan niyang “habal-habal” palugsong na ngadto sa Guadalupe. Gipasakay siya sa awto sa mga “extortionists” uban sa iyang amiga nga si Marly.

Gituyok-tuyok sila diha sa Guadalupe ug hangtod nga miabot sila sa Ayala kon Cebu Business Center. Matud ni Marsha nga kay wala man g’yud siya’y mahatag nga kwarta ang mga “extortionists” napugos sa pagbuhi kaniya mga alas 9:30 na sa gabii.

Ang maayo tingali kon may modakop kaninyo nga wala g’yud kamo’y sala, singgit ug pangayo’g tabang.

Dili g’yud kita makaingon nga ang maong mga tawo polis, o mga tinugyanan sa balaod kay mahimo man nga sila mga ordinaryo ra nga mga sibilyan.

Natimbang-timbang nako nga kining maong mga extortionists dunay kontak diha sa Cebu City jail. Ang ilang kontak maoy mopahibalo kon kinsa ang mga asawa ug mga suspetsado nga drug pushers nga mogawas na sa bilanggoan. Dili ba posible?

* * *

Kon tinuod nga dunay usa ka fire hydrant nga wala magamit didto sa Alviola Street, sa barangay Tejero atol sa sunog sa miaging Sabado tungod kay giapil kini pagsakop sa usa ka balay, angay’ng pakasad-on ang kabomberohan ug mga opisyal sa barangay.

Kinahanglan nga ang kabomberohan mohimo kanunay og pakisusi kon ang mga fire hydrants nga kakuhaan nila’g tubig kon may sunog, magamit ba gihapon ug kon dunay depekto, moreport sila niini ngadto sa Metro Cebu Water District.

Ang mga opisyal sa mga barangay angay usab nga dili magduka ug motabang sila pagtan-aw niini. Apan gawas sa mga bombero ug opisyal sa barangay, kitang katawhan angay nga magpakabana.

Ayaw kamo pagpadaog sa katapol nga dili moreport niini kay kon ingon niini ang sitwasyon maugdaw ang inyong mga balay kon may sunog sama sa nahitabo sa sobra sa usa ka gatos ka balay sa barangay Tejero.

Karon, may kamandoan si Mayor Michael Rama sa mga bombero ug mga opisyal sa barangay nga susihon ang mga fire hydrants aron mapangandaman ang lain pa nga mga sunog.

ALVIOLA STREET

CEBU CITY

KON

MARSHA

MAYOR MICHAEL RAMA

SILA

WALA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with