Libreng doxycycline ipamamahagi sa Maynila
MANILA, Philippines — Dahilan sa pagtaas ng kaso ng leptospirosis, mamamahagi ang pamahalaang lungsod ng Maynila ng libreng doxycycline sa mga residente nito.
Ito’y sa gitna na rin ng pagtaas ng mga kaso ng leptospirosis sa lungsod ng Maynila dulot ng malalakas na pag-ulan kung saan maraming lugar ang lumubog sa baha.
Ang doxycycline ay isang uri ng antibiotic na gamit para mapigilan ang pagkalat ng leptospirosis mula sa isang seryosong bacterial infection na nakukuha sa paglusong sa baha na kontaminado ng ihi ng daga.
Sinabi ng pamahalaang lungsod na ang mga health centers at hospital ay magkakaloob ng libreng medisina para sa mga residente nito lalo na sa mga bahaing lugar.
Nilalayon nito na mabawasan ang bilang ng mga tinamaan ng impeksiyon mula sa leptospirosis lalo na ngayong panahon ng tag-ulan.
- Latest
