PNP, BJMP, BFP pinagsusuot ng light uniform laban sa matinding init ng panahon
MANILA, Philippines — Bunsod ng matinding init ng panahon, inihayag ng Department of the Interior and Local Government (DILG) na pinapayagan na ang mga tauhan ng Philippine National Police (PNP), Bureau of Jail Management and Penology (BJMP), at Bureau of Fire Protection (BFP) na magsuot ng light uniform habang naka-duty.
Sa ginanap na forum, sinabi ni Interior an Local Government Secretary Benhur Abalos na naglabas siya ng urgent memorandum para sa hepe ng tatlong Kawanihan hinggil sa uniform attire.
“In view of the foregoing, you are hereby directed to issue an Urgent Advisory for all PNP, BJMP and BFP personnel to wear light uniforms in the performance of their respective duties to alleviate discomfort and protect them from illnesses such as heat cramps, exhaustion, heat stroke, among others, due to extreme heat,” saad sa memorandum.
Sinabi ni Abalos na kailangan ding mapangalagaan ang kaligtasan ng mga pulis, jail personnel at bumbero habang nasa duty.
Aniya, hindi biro ang matinding init na nararanasan ngayon sa iba’t ibang lugar sa bansa kabilang ang Metro Manila
Matatandaan na bago ang utos ng DILG, naglabas na ng memorandum ang BJMP nitong nakaraang linggo sa binagong iskedyul ng pagsusuot ng uniporme sa panahon ng tag-araw, na nagpapahintulot sa mga tauhan nito na gamitin ang mga gray na kamiseta nito mula Martes hanggang Biyernes.
“The tri-bureau’s line of work already poses a lot of risks, now coupled with the hazards of extreme heat temperature kaya kailangan din natin protektahan ang ating uniformed personnel from the PNP, BFP and BJMP,” dagdag pa ni Abalos.
- Latest