PNP, DILG officials, ilang ambulansya tinikitan sa EDSA busway
MANILA, Philippines — Naisyuhan ng citation ticket sa isinagawang operasyon ng Special Action and Intelligence Committee for Transportation (SAICT) ang isang SUV na sakay ang isang ‘di pinangalanang opisyal ng Philippine National Police (PNP), iba pang opisyal ng gobyerno at mga driver ng ambulansya dahil sa paggamit ng EDSA busway.
Pinara ng traffic enforcer ang nasabing SUV na nangunguna sa 10 convoy sa EDSA busway, na may pribadong plate numbers at emergency lights.
Kabilang din sa natiketan ng SAICT ang ang isang opisyal ng Department of the Interior and Local Government (DILG) na gamit ang red plate na sasakyan at ilang ambulansya na walang dalang mga pasyente.
Umabot sa 16 na apprehensions ang nasabing operasyon Biyernes ng umaga.
Ang EDSA busway ay para sa eksklusibong paggamit ng mga awtorisadong bus na may espesyal na permit.
Pinahihintulutan naman na gumamit sa busway ang mga on-duty ambulance, fire truck, PNP vehicles, at service vehicle na gumaganap ng kanilang mga tungkulin para sa EDSA busway gaya ng construction, security, janitorial, at maintenance services.
Gayundin ang pinakamatataas na opisyal ng gobyerno na kinabibilangan ng Pangulo ng bansa, Bise-Presidente, Senate President, Speaker ng House of Representatives, at Supreme Court Justice.
- Latest