2 sugatan sa sunog sa Muntinlupa matapos itaas ika-3 alarma

MANILA, Philippines — Dalawang katao ang nilapatan ng lunas matapos sumiklab ang isang sunog sa isang residential area sa Lungsod ng Muntinlupa, Biyernes ng hapon.

Ayon sa ulat ng Muntinlupa City Department of Disaster Resilience and Management, bandang 12:38 p.m. nang unang itawag ang apoy sa Barangay Sucat, West Service Road.

Sa inisyal na impormasyon ng Muntinlupa BFP, dalawa residente (isang lalaki at isang babae) ang nagtamo ng first degree burn na nalapatan na paunang lunas.

— Dave Abuel (@DaveAbuel_) February 24, 2023

Umabot ito hanggang "third alarm" bandang 1:09 p.m. hanggang sa ideklarang "fure under control" pagsapit ng 2 p.m.

Nagtamo ng "first degree burns" ang isang lalaki at isang babae kaugnay ng insidente, bagay na siyang nilapatan na ng lunas, ayon sa inisyal na impormasyon ng Muntinlupa Bureau of Fire Protection. 

Nangyari ang sunog ilang araw bago pumasok ang buwan ng Marso, na siyang kilala bilang "Fire Prevention Month." — James Relativo at may mga ulat mula sa News5