‘NBI consultant’, kasabwat tiklo: 2 Chinese na na-rescue pinatutubos
MANILA, Philippines — Isang nagpakilalang consultant ng National Bureau of Investigation (NBI) at kasabwat nito ang inaresto sa isinagawang entrapment operation kaugnay sa pagpapatubos umano sa dalawang Chinese national sa isang POGO site sa Pasay City, kamakalawa ng gabi.
Iniharap ni Southern Police District (SPD) Acting District Director P/Colonel Kirby John Brion Kraft sa mga mamamahayag ang mga suspek na kinilalang sina Larry Naperi Marbid, 48 , umano’y NBI consultant, na sasampahan ng reklamong robbery extortion o Article 293 ng Revised Penal Code; at Laurence Cathilira Delos Tria, 39, driver, na ipaghaharap ng reklamong obstruction of justice o Presidential Decree 1829, dahil sa tangkang pag-areglo.
Nabatid na ang dalawa ay naaresto sa operasyong ikinasa ng District Special Operation Unit ng SPD katuwang ang Regional Inbtelligence Division ng National Capital Region Police Office (NCRPO) sa tabi ng isang food chain sa Gil Puyat corner Taft Avenue, Pasay City dakong alas-8:30 ng gabi ng noong Linggo bunsod sa reklamong idinulog ng isang 25-anyos na babae.
Nabatid na nanghihingi ang mga suspect ng P250,000 sa isang Ronalyn, 25, online seller, para sa pagpapalaya sa 2 Chinese nationals na nasa kostudya ng NBI. Ang dalawang dayuhan umano ay kabilang sa 74 na dayuhang na-rescue sa operasyon noong Set. 16, 2022 sa Sta. Lucia BPO Building, sa Pasig City.
“We are still investigating. We have to validate kung sino talaga itong tao na ito (Marbid). Despite na may nakuha tayong NBI link sa kanya but that is still subject for validation.
- Latest