Makati City nagdeklara ng state of climate emergency

MANILA, Philippines — Nagdeklara ng state of climate emergency si Makati Mayor Abby Binay at nangakong gagawa ng aksyon para mabawasan ang greenhouse gas emissions sa lungsod.

“As temperatures and sea levels continue to rise, low-lying coastal areas in cities like Makati have become more vulnerable to strong typhoons that bring floods and landslides,” ani  Binay.

“This will result not only in the disruption of public services but also the displacement of families and even entire communities,” ani Binay sa “Cafe Talk for Resilient Makati.”

Ang pamahalaang lungsod ay bibili ng isang buong fleet ng mga de-kuryenteng sasakyan at gagamit ng mga solar panel sa mga pampublikong paaralan at mga tanggapan ng gobyerno upang mabawasan ang pagkonsumo ng ­enerhiya at matiyak ang pagpapatuloy ng mga serbisyo sa panahon ng kalamidad, ayon sa alkalde.

Aniya, nais niyang makita ang aktibong partisipasyon ng sektor ng negos­yo, komunidad, at iba pang stakeholder.

“We call upon everyone to come together and act now. We must ensure aggressive application of the whole-of-society approach in combating climate change. Now is a crucial time to act, and we need to act fast. We need thinkers, doers, and movers,” aniya pa.

Hinimok niya rin ang mga lokalidad  na turuan ang mga residente at negosyo tungkol sa mga epekto ng pagbabago ng klima at isali sila sa paglikha ng mga plano upang gawing mas matatag sa pagbabago ng  klima ng mga komunidad.

Sinabi ng PAGASA weather bureau na ang average na temperatura sa lahat ng lugar sa bansa na inaasahang tataas sa pagitan ng 1.8 at 2.2 degrees Celsius pagsapit ng 2050 dala ng climate change.

Kabilang ang Pilipinas sa historic agreement sa Paris noong Disyembre 2015 upang mabawasan ang greenhouse gas emissions upang mapanatili ang pagtaas ng global temperatures na mas mababa sa two degrees Celsius.