Lider ng teroristang grupo, huli sa Makati
MANILA, Philippines — Nalambat ng mga tauhan ng Makati Police ang isang pinaniniwalaang lider ng communist terrorist group (CTG) na kabilang sa Priority Data Base ng PRO 13 sa Brgy. Guadalupe Nuevo, Makati City, kahapon ng umaga.
Sa ulat ni P/Col. Harold Depositar kay Southern Police District (SPD) Director P/Brig. General Jimili Macaraeg, ang naaresto ay kinilalang si Jefred Flores, 26, residente ng Brgy. Kamagong Nasipit Agusan Del Norte.
Sinasabing si Flores ay team leader ng Sandatahang Yunit Pampropaganda (SYP) Kingdom of GF4A, Squad Uno, na nasa talaan ng wanted sa 2nd Quarter ng 2019 ng CARAGA Region o PRO 13.
Isinilbi ang warrant of arrest kay Flores sa kasong attempted multiple murder na inisyu ni Judge Isah J. Echem-Tangonan ng Butuan City, Agusan Del Norte, RTC Branch 33, na may petsang Setyembre 7, 2021 na may inirekomendang piyansa na P120,000.
- Latest
