Higit 100 indibiduwal nagka-COVID-19 sa isang subdivision sa Parañaque
MANILA, Philippines — Umabot na sa 106 ang nagpositibo sa COVID-19 sa isang lugar sa Annex 35 ng Better Living Subdivision, Barangay Don Bosco, Parañaque City, habang patuloy pa ang pagsasagawa ng swab test sa mga apektadong residente.
Sa kasalukuyan, niluwagan na ang hard granular lockdown at calibrated lockdown sa Annex 35, subalit ang mga authorized person outside of residence (APOR) lang tulad ng healthcare workers ang pinapayagang makalabas at makapasok sa erya.
May mga maliliit na negosyo gaya ng tindahan at eateries ang pinayagang magbukas sa erya subalit walang dine-in.
Nabatid na ang gate 2 at gate 3 naman sa Russia St. at Annex 41 ay binuksan para sa mga sasakyang daraan patungo sa ibang lugar, habang ang gate 1 naman ay hindi nakapapasok maging ang delivery riders na magdedeliber ng order.
Sinabi ni Parañaque City public information officer Mar Jimenez, ang datos na naitala nitong Agosto 31 (Martes) 106 na ang nagpositibong naitala mulang noong isang linggo hanggang sa nasabing araw mula sa 560 residente na sumailalim sa COVID-19 tests.
Nasa 1,200 katao ang mga nakatira sa Annex 35 o halos 90 household.
Nabatid na isinailalim sa lockdown ang Annex 35 matapos magtala ng 53 kaso na ngayon nga ay mahigit sa 100.
- Latest
