Coach Chot may tiwala sa TNT
MANILA, Philippines — Tiwala si coach Chot Reyes na mayroon pang sapat na firepower ang TNT Tropang Giga para sa nalalapit na 46th PBA Season sa kabila ng biglaang desisyon ni star guard Ray Parks Jr. na hindi muna maglaro ngayong season.
“Obviously, losing him is a big blow because Ray is such a big part of our plans moving forward. But I have faith in the players we have in this team. We will find a way,” ani Reyes sa isang panayam kahapon.
Kamakalawa ay ginimbal ni Parks ang TNT at ang PBA sa anunsyong magsi-sit out muna siya sa paparating na season bunsod ng personal na dahilan sa kanyang pamilya.
Kahit wala si Parks, kumpyansa si Reyes sa solido pa ring koponan na pangungunahan nina Jayson Castro, RR Pogoy, Troy Rosario, Poy Erram at nagbabalik na si Kelly Williams sa pagbubukas ng 2021 season sa Abril.
Kasunod naman ng desisyon ni Parks ay sorpresang lumabas sa social media si PLDT-Smart Chairman at TNT Tropang Giga owner Manny V. Pangilinan upang kwestiyunin ang naturang manlalaro sa kanyang dahilan tungkol sa pamilya.
Ayon sa post ni MVP ay nasa La Union si Parks at wala sa US.
“This photo taken Thursday last week, around 9 pm. February 25, in San Juan, La Union. I don’t see any mother being cared for, and as far as I know, La Union is nowhere near California. Judge for yourself,” matalas na sagot ni MVP sa pahayag na shinare na rin ng TNT official social media account.
Sa parehong araw, lumutang ang ilang larawan at videos ng animoy’ beach workout ni Parks sa La Union kasama si 2019 SEA Games surfing gold medalist Roger Casugay.
- Latest
