Libreng ‘hatid-sundo’ sa may sakit na residente ng Taguig
MANILA, Philippines — May libreng ‘hatid-sundo’ transport service ang Pamahalaang Lungsod ng Taguig sa mga residenteng maysakit na nahihirapan sa pagkuha ng masasakyan.
Sa programang ‘Libreng Hatid at Sundo’, may nakahandang transport service ang lokal na pamahalaan para sa mga pasyenteng nagda-dialysis, may chemotherapy o radiotherapy sessions, mga senior citizens, buntis, at person with disabilities (PWDs) na kailangang sumailalim sa check-up at iba pang nangangailangan ng medical treatment na hindi emergency case sa Taguig o sa iba pang lungsod sa Metro Manila.
Ang inisyatibo na ito ay ipatutupad ng lokal na pamahalaan ng Taguig upang tumugon sa pangangailangang transportasyon para sa mga maysakit na walang masakyan dahil sa pansamantalang pagtigil ng pag-biyahe ng mga pampublikong sasakyan.
Para maka-avail sa serbisyong ito, magtext sa numerong 0961-734-0834 dalawang araw bago ang takdang mga checkup o medical sessions.
- Latest