Policewomen itatalaga sa key positions ng PNP-Sinas
MANILA, Philippines — Mas marami pang babaeng pulis ang maitatalaga sa mga key positions ng PNP tulad ng regional at district directors.
Ito ayon kay PNP chief General Debold Sinas kasabay nang pagsasabing hindi siya magdadalawang isip na italaga ang mga babaeng pulis kung karapat-dapat at kuwalipikado ang mga ito.
Idinagdag pa nito na dapat ay nabibigyan ng pantay na pagkakataon sa paghawak ng posisyon at responsibilidad ang mga policewomen.
Sa ngayon, ang mga lalaking pulis ang nabibigyan ng pagkakataon sa promotion at key position.
Ani Sinas, panahon na rin ito na ipakita ang tiwala sa kakayahan ng mga policewomen tulad sa kakayahan ng mga policemen. Magbibigay ng tiwala naman ito sa mga babaeng pulis na palawakin pa ang kanilang kakayahan at hindi umaasa sa iba.
Matatandaang Oktubre nang italaga ni Sinas si Col. Angela Rejano bilang bagong chief of police ng Malabon City Police. Si Rejano ang ay dating hepe ng NCRPO Regional Plans and Strategy Management Division.
Si Rejano rin ang kauna-unahang babaeng chief of police ng Sorsogon City at provincial director sa Siquijor.
- Latest