SSS members at pensioners, binalaan vs online fixers
MANILA, Philippines — Pinaalalahanan ang Social Security System (SSS) sa mga miyembro at pensioners na hindi affiliated ang ahensiya sa alinmang social media accounts at mga pahina na nag -aalok ng online assistance at pagkatapos ay humihingi ng bayad kapalit ng pagtulong sa pagkakaroon ng SSS account, filing ng benepisyo at proseso sa mabilis na pagpapalabas ng loan applications, retirement benefits at iba pang benepisyo mula sa SSS.
Ayon sa ahensiya kailangang maging maingat ang mga miyembro at pangalagaan ang kanilang SSS accounts mula sa mga hindi kilalang indibiduwal at tiyakin na ang lahat ng online applications at transaksiyon ay gagawin lamang sa kanilang My.SSS online accounts na maaaring ma access sa SSS official website sa sss.gov.ph at SSS Mobile App.
Binalaan din ng SSS ang mga online fixers na kakasuhan ng kriminal at civil case dahil sa pagkuha ng mga confidential information at nanghihingi ng pera mula sa mga miyembro at pensioners ng SSS.
Ayon sa SSS , ang maling gawain ay paglabag sa Section 17 ng Republic Act 11199 o ang SS Act of 2018 na naglalapat ng multa na hanggang P5,000 o pagkakulong ng anim na buwan hanggang isang taon.
Ang mga pinaghihinalaang fixers at modus ng sindikato sa online ay maaring isumbong sa SSS Special Investigation Department sa [email protected] o magpadala ng direct message sa alinmang social media accounts sa SSS Facebook page na “Philippine Social Security System,” Instagram account sa “mysssph,” at Twitter account sa “PHLSSS”. Maaari silang makatanggap ng update sa SSS Viber Community “MYSSSPH Updates.
- Latest