Dalaw kalaboso sa shabu
MANILA, Philippines — Arestado ang isang dalaw matapos mahulihan ng iligal na droga na tangkang ipasok sa loob ng kulungan ng Binondo Police Station sakop ng MPD Station 11.
Kinilala ang suspek na si Janet Tambong, alyas Nineng, 34 , dalaga, scavenger at residente ng Valderama St, Binondo Maynila.
Batay sa ulat, dakong alas-7 kagabi nang dalawin ni Tambong ang kaanak na nakakulong sa custodial facility ng nasabing istasyon ng pulisya.
Nagsagawa umano ng inspeksyon sa frisking area ng detention cell sa pangunguna ni P/Lt Roderick Tan sa mga pumapasok na bisita o dalaw nang makitaan ng isang plastic sachet sa kanyang coin purse.
Bagama’t itinatanggi ni Tambong ang nakuha sa kanya, dinakip pa rin ito ng mga awtoridad.
Sasampahan ng kasong paglabag sa Comprehensive Dangerous Drugs Act ang suspek.
- Latest