Bahay sa Quezon City nilamon ng apoy
MANILA,Philippines — Isang bahay ang tinupok ng sunog sa Quezon City kamakalawa.
Batay sa ulat ng Bureau of Fire Protection (BFP), pasado alas-6:00 ng gabi nang magsimulang lumiyab ang sunog sa Brgy. Bahay Toro.
Nagsimula umano ito sa ikalawang palapag ng bahay sa Carmel 3 Subdivision at umabot sa unang alarma, bago tuluyang naapula matapos ang isang oras.
Wala namang naiulat na sugatan o namatay.
Sa pagtaya ng mga awtoridad, aabot sa P200,000 ang halaga ng mga ari-arian na naabo sa sunog, ngunit iniimbestigahan pa ang pinagsimulan nito.
- Latest