Taxi nasunog sa EDSA
MANILA, Philippines — Isang taxi ang nagliyab at natupok habang binabaybay ang EDSA sa Quezon City, kamakalawa ng hapon.
Ayon kay SFO3 Rommel Perez ng Agham Fire Station, dakong alas-4:47 ng hapon nang maganap ang insidente sa northbound ng EDSA malapit sa Balintawak.
Bigla na lang umanong umusok hanggang sa tuluyang magliyab ang behikulo.
Agad namang rumesponde ang bumbero at inapula ang apoy.
Ligtas naman ang hindi pinangalanang driver ng taxi matapos na kaagad na makalabas ng sasakyan.
Tupok na tupok naman ang unahang bahagi ng sasakyan kung saan matatagpuan ang makina nito kaya’t hinalang doon nagsimula ang apoy.
- Latest