Vendors, palaboy winalis sa Manila Bay

MANILA, Philippines — Sinuyod ng mga tauhan  ng pinagsanib na puwersa ng Manila City hall at Manila Police District ang kahabaan ng Manila Bay upang linisin ang lugar mula sa mga vendors at tambay.

Alas -7 ng umaga nang isagawa ng Manila Department of Social Welfare, Department of Public Services, Manila Action and Special Assignment at City Security Force ang operasyon at clean-up drive sa Manila Bay.

Ayon kay Manila Mayor Joseph Estrada, ang operasyon sa kahabaan ng Roxas Blvd.sa Manila Bay ay alinsunod na rin sa kautusan ni Pangulong Rodrigo Duterte na buhayin ang Manila Bay. Sangkaterbang basura din ang nahakot na sa Manila Bay na agad namang  hinakot ng DPS.

Nabatid sa DPS na regular na nila umanong ginagawa ang paglilinis sa kahabaan ng Roxas Blvd. at walang katotohanan ang paratang ng ilang mga kritiko na ginagawa lamang ni Estrada ang paglilinis dahil sa nalalapit na eleksyon.