Bebot itinumba sa Maynila
MANILA, Philippines — Patay ang isang hindi pa nakikilalang babae na pinagbabaril ng hindi pa nakikilalang gunman, kamakalawa ng gabi sa Baseco Compound, Port Area, Maynila.
Ayon kay P/Chief Insp. Rommel Anicete, hepe ng Manila Police District-Homicide section, nagpapatrulya umano ang mga opisyal ng Barangay 649 nang makatanggap ng impormasyon na may babae na binaril sa may Dubai Street dakong alas-11:20 ng hatinggabi.
Naghihingalo pa ang biktima nang dumating ang mga pulis kaya’t mabilis itong isinugod sa Gat Andres Bonifacio Memorial Medical Center. Gayunman, idineklarang dead-on-arrival ang biktima na tinatayang nasa edad 25-35. Walang sinuman sa lugar ang nakapagbigay ng detalye tungkol sa insidente.
Patuloy naman ang imbestigasyon ng pulisya para alamin ang pagkakakilanlan ng biktima at ang salarin.
- Latest