Inarestong ‘pasaway’ sa MM, pumalo sa 370-K
Sa loob ng 4 na buwan
MANILA, Philippines — Pumalo na sa higit 370,000 ang mga pasaway at mga istambay na lumalabag sa iba’t ibang ordinansang ipinatutupad sa mga lungsod sa Metro Manila ang nadakip ng pulisya mula nitong buwan ng Hunyo.
Sa ulat ng National Capital Regional Police Office, nasa 376,959 na ang nasita at dinampot dahil sa paglabag sa city ordinances mula Hunyo 13 hanggang Oktubre 13.
Sinabi ni NCRPO chief, Director Guillermo Eleazar na pinakamarami sa na-dampot ay mga lumabag sa smoking ban na aabot sa 117,144.
Nasa 17,807 ang nahu-ling nag-iinuman sa kalsada; 26,068 sa walang damit pang-itaas; 25,129 ang lumabag sa curfew hours sa kabataan; at 190,811 sa iba pang ordinansa.
Nasa 263,519 sa mga lumabag ang binigyan ng warning, 68,467 ang pinagmulta, 44,973 ang sinampahan ng reklamo at 19 naman ang kasalukuyang nasa kustodiya ng pulisya.
Matatandaan na nagpalabas ng kautusan si Pa-ngulong Rodrigo Duterte na ipagbawal ang mga istambay sa mga dis-oras ng gabi na pinalawak pa ang kampanya ng PNP nang pahigpitin ang pagpapatupad ng mga ordinansa at ma-bawasan ang magaganap na krimen.
- Latest
