Parolado itinumba sa Caloocan
MANILA, Philippines — Isang paroladong mister sa kasong carnapping ang nasawi matapos na rapiduhin ng bala ng mga ‘di pa nakikilang suspek naganap kahapon ng mada-ling araw sa lungsod ng Caloocan.
Sanhi ng maraming punglo na bumaon sa iba’t ibang bahagi ng katawan, binawian ng buhay noon din ang biktimang si Cezar Ruiz, 38-anyos, may-asawa, residente ng San Vi-cente St., Brgy. 178 Camarin, ng naturang lungsod.
Sa ulat ng Caloocan City Police, alas-5:00 ng madaling araw nang matagpuan ang bang-kay ni Ruiz na naliligo sa sariling dugo sa isang eskinita sa nasabing barangay.
Ayon sa saksing si Rea Bernas, nakarinig sila ng magkakasunod na putok ng baril at nang tumahimik na ay saka nila binuksan ang bintana ng kanilang bahay kung saan ay dito na tumambad ang naka-handusay na biktima.
Agad naman nilang iniulat ito sa mga opis-yales ng kanilang bara-ngay na siyang tumawag ng responde ng mga pulis.
Narekober sa lugar ng krimen ang limang napaputok na cartridge at isang basyong bala ng hindi pa mabatid na kalibre ng baril.
Blangko pa ang pulisya sa pagkakakilanlan ng mga suspek at ang motibo sa pamamaslang.
- Latest