‘Lingap Laban sa Kahirapan’ dinagsa
MANILA, Philippines — Tinatayang mahigit 100,000 katao ang dumagsa sa isinagawang “Lingap Laban sa Kahirapan” para sa ika-104 anibersaryo ng Iglesia ni Cristo (INC) sa Quirino Grandstand, Burnham Green, sa Rizal Park, Ermita, Maynila.
Nagsimula ng alas-8:00 ng umaga, kahapon na tuloy-tuloy hanggang gabi sa kabila ng pabugso-bugsong ulan at makulimlim na panahon.
Hindi lamang mga miyembro ng INC ang nagsidatingan sa nasabing kaganapan na bukod sa pamamahayag ng mga salita ng Diyos at programa ay nagkaloob din ng mga libreng serbisyo para matugunan ang mga pangangailangan ng mga mahihirap na mamamayan.
Ang serbisyong medikal na naihandog ay kinabibilangan ng dental checkup, complete blood count, blood sugar determination, blood typing, urinalysis, ultra sound, at 2d echo, at libreng kosultasyon sa mga dermatologist, ophtalmologist, pediatrician at general medicine. Layunin ng nasabing gawain na maipaabot sa publiko, di lamang sa mga kasapi ng INC, ang tulong na makukuha ng libre sa halip na magbayad pa sa mga pribadong pagamutan. Namahagi rin sila ng relief goods.
Todo-bantay naman ang Manila Police District sa nasabing event sa pangunguna ni Supt. Igmedio B. Bernaldez, ang nagsilbing ground commander.
- Latest