30 days suspension ikinasa ng LTFRB
MANILA, Philippines - Sinuspinde ng Land Transportation and Franchising Regulatory Board (LTFRB) ang operasyon ng 78 yunit ng bus ng Don Mariano Transit Corporation simula kahapon (Disyembre 16).
Sa pahayag ni LTFRB Chairman Winston Gines, karaniwang iginagawad ng ahensiya sa mga kumpanya ng bus na nasaÂsangkot sa matinding sakuna na maraming indibidwal ang namatay at nasugatan.
Niliwanag ni Gines na tigil muna ang biyahe ng mga bus ng naturang company hangga’t isinasailalim sa imbestigasyon.
Kaugnay nito, sinabi ni Gines na isasalang sa road worthiness test ang mga bus ng kumpanya at nakikipag- ugnayan na ang tanggapan sa insurance company para ayudahan ang pamilya ng mga biktimang namatay at nasugatan.
Kapag napatunayan anyang nagkasala ang nasabing bus company ay posibleng matanggal ang prangkisa nito.
- Latest
