Biktima ng salvage natagpuan
MANILA, Philippines - Isang hindi pa nakikilalang lalaki na hinihinalang biktima ng summary execution ang natagpuan na tadtad ng saksak at tama ng bala ng baril sa katawan at ulo kahapon ng madaling-araw sa Caloocan City.
Inilarawan ng pulisya ang biktima na nakasuot ng itim at puti na shorts, asul na t-shirt, nasa 5’7’’ ang taas at katamtaman ang pangangatawan.
Dakong ala-1:00 ng madaling-araw nang matagpuan ang bangkay ng biktima sa panulukan ng Zapote at Tirona, Brgy. 138 Bagong Barrio ng nasabing lungsod.
Batay sa imbestigasyon, nakatali ng electric wire ang dalawang kamay ng biktima, binalutan ng masking tape ang ulo, itinali ng nylon cord ang katawan at tadtad ng saksak at mga tama ng bala na naging dahilan ng agarang kamatayan nito.
Hinala ng pulisya, posibleng pinahirapan muna ang biktima bago pinatay kung saan nagsasagawa na ng imbestigasyon ang pulisya sa nasabing insidente.
- Latest
- Trending