MANILA, Philippines - Tatlong hinihinalang mga karnaper ang dinakip ng mga tauhan ng Manila Police District dahil sa bitbit na baril matapos na masita habang nagsasagawa ng operation ng “Oplan Sita” sa Sampaloc, Maynila kamakalawa.
Kinilala ang mga naarestong sina Ronald Tecson, 18; Fedel De La Torre, 22, at Florelio Pinpin Jr, 23.
Dakong alas-9:00 ng gabi nang sumailalim sa ‘Oplan Sita’ ang mga suspect sa A. H. Lacson St., Sampaloc Maynila.
Lumilitaw na nasita ang tatlong lalaki na lulan ng motorsiklo na kulay itim (6860) dahil sa walang suot ng mga helmet at over loading.
Bunga nito kinapkapan ang tatlo at nakuha kay Torres ang isang 32 cal. at limang bala at isang master key na naging dahilan upang sila ay arestuhin.
Sasampahan ng nasabing kaso sa Manila Prosecutors office ang mga naarestong suspect.