Lalaki, tinodas sa selos

MANILA, Philippines - Selos ang isa sa mga motibong iniimbestigahan ng pulisya matapos patayin sa saksak ang isang lalaki ng hindi pa nakikilalang suspect kahapon ng madaling-araw sa Pasay City.

Nasawi noon din ang biktimang si Leopoldo Ca­ta­pang, ng Calaca, Batangas habang nagsasagawa naman ng follow up operation ang pulisya upang matukoy ang suspect.

Sa imbestigasyon ni SP02 Rolando Prades, ng Station Investigation Division (SID), Pasay City Police, da­kong alas-2:07 nang ma­tagpuan ang biktima na duguan at wala ng buhay sa gate ng West Construction Corporation  na matatagpuan sa Circulo Del Mundo, St. Andrew, Vil­la­mor Air Base ng nabanggit na siyudad ng ilang concerned citizen na kaagad na ipinagbigay sa pu­lisya ang insidente.

Nabatid sa ilang naka­kakilala sa biktima na lagin­g nakikita ang biktima na may kasama itong iba’t ibang babae.

Dahil dito, isa sa teorya ng pulisya na posibleng ka­­ribal sa pag-ibig ang pu­matay sa biktima at selos ang isa sa anggulong kanilang iniimbestigahan.