MANILA, Philippines - Hindi nakalusot sa mata ng mga operatiba ng Philippine Drug Enforcement Agency (PDEA) ang modus operandi ng drug syndicate na paglalagay ng droga sa isang kahon na mistulang birthday gift matapos na masabat ito sa isang drug-operation sa harap ng Philippine Post Office (PhilPost) sa lungsod Quezon, iniulat kahapon.
Isang suspect ang naaresto sa naturang operasyon na nakilalang si Jesse Johnson, alyas Jovit Calaminos Reformoso, 26, ng Project 6, sa lungsod.
Si Reformoso ang sinasabing kukuha sana ng birthday box na may nakalagay na pangalan at address ng isang Nena Perez ng #5060 Frazer St., Vancouver, BC VSW 248 nang masabat ito ng mga operatiba sa may loob ng PhilPost sa NIA Road, Brgy. Pinyahan, sa lungod pasado alas-12 ng tanghali.
Ang nasabing kahon ay naglalaman ng isang piraso ng puting envolope na may bugkos na pulbura na pinaniniwalaang droga.
Agad na dinakip si Reformoso saka kinumpiska ang droga saka dinala sa PDEA headquarters sa NIA Road, para masuri ito at maimbestigahan na rin ang una.