Kinarnap na sasakyan nina Ambassador Romulo, ama ni Derek Ramsey nabawi

MANILA, Philippines - Umiskor ang mga ta­uhan ng Anti-Carnapping Group ng National Capital Region Po­lice Office (NCRPO) kasunod ng pag­kakasakote sa dala­wang miyembro ng notor­yus na car­napping gang na res­ponsable sa pagtangay ng behikulo nina Ambassador Roberto Romulo sa Taguig City at ng ama ng actor/model na si Derek Ram­sey Sr. sa Tagaytay City.

Kinilala ni NCRPO Chief Director Roberto Rosales ang mga nasakoteng suspect na sina Glenn del Castillo, 31; at Dale Ali­magno, 22. Kapwa sugatan ang mga nadakip na suspects mata­pos makipag­pa­litan ng putok sa mga ope­ratiba dakong alas-11:15 ng gabi nitong Huwe­bes sa Filinvest 2, Quezon City.

Nakatakas ang lider ng sindikato na kinilalang si Ivan Pa­dilla, alyas Jimmy/Chris­to­pher at Kuku, 24 , na sina­sa­bing mula sa mayamang pa­milya. Ayon kay Rosales ang mga suspect ang respon­sable sa pagkarnap ng kulay gold na Toyota Camry (ZLN-415) ni Romulo at sa itim na Volvo (ZAX-887) ni Ramsey Sr.

Inihayag ng opisyal na ikinasa ng Anti-carnapping group ang operasyon mata­pos na makatanggap ng tip hinggil sa presensiya ng dala­wang walang pla­kang Toyota Camry sa lugar. Gayunman, sisitahin pa lamang ng mga opera­tiba ang driver ng natu­rang mga behikulo ay agad na nagpapu­tok ang mga suspect kung saan nakatakas si Pa­dilla habang arestado naman ang dalawa nitong ka­samahan.

Nasamsam mula sa pag-iingat ng mga ito ang isang 12 gauge shotgun rifle, isang cal 9 MM pistol, habang ang nareko­ber na mga behikulo ay isina­sailalim pa sa macro-etching sa PNP-Crime Labo­ratory sa Camp Crame. Na­kuha rin sa mga ito ang dala­wang pares ng ZNL-415 na plaka ng sasakyan. Lumitaw naman sa beripi­kas­yon ng Land Transpor­tation Office na ang Toyota Camry ay naka­rehistro kay Romulo.

Ikinanta ng mga suspect na ang kanilang lider ay si Padilla habang itinuro rin ng mga ito kung saan nila itina­tago ang Volvo ni Ram­sey Sr. na nare­ko­ber sa follow-up operation sa parking lot ng Westmont Bldg. sa Dr. A. Santos, Parañaque.