MANILA, Philippines - Walang balak umatras sa pagtakbo bilang kongresista sa ikalawang distrito ng Quezon City si Atty. Kit Belmonte kahit ginigipit at tinatakot siya ng kanyang mga kalaban sa pulitika.
Sinabi ni Belmonte na, kahit gipitin at takutin siya ng kanyang kalaban, tuloy pa rin ang kanyang pagtakbo.
Si Belmonte ang nangungunang kandidatong kongresista sa ikalawang distrito na, rito, katunggali niya si Councilor Allan Francisco.
Kamakailan ay anim na tauhan ni Belmonte na kasama sa Operation Dikit ang umano’y dinukot, tinakot at pinukpok sa ulo ng ama ng konsehal na si Tony Francisco sa P. Dela Cruz St., San Bartolome sa naturang lunsod.
Dinala ang mga tauhan ni Belmonte sa mismong headquarters ni Francisco sa San Bartolome at doon daw ay binugbog at pinagbantaan silang papatayin habang naroroon din si Jonjon Francisco na tatakbo din daw na konsehal.