'Till Death Do Us Part', Mag-asawa magkayakap na natusta

MANILA, Philippines -  Magkayakap na natag­puan ang natustang bang­­kay ng isang mag-asa­wang ma­tanda ma­tapos na ma­kulong ang mga  ito mula sa nasu­sunog nilang bahay kama­­kalawa ng gabi sa Malabon City.

Nakilala ang mga bik­tima na sina Marcial San­tos, 88; at asawa nitong si Ramona, 86, kapwa resi­dente ng Urban Bliss, Ba­rangay Tañong ng lungsod.

Sa report ng Malabon City Fire Department, alas-6:45 ng gabi nang mag­liyab ang bahay ng mag-asawa sa nasabing lugar.

Hindi na nakalabas ang mga biktima na naging da­hilan upang kasamang ma­­tupok ng kanilang bahay at madamay ang lima pang kapitbahay nito.

Alas-7:45 ng gabi nang maapula ang sunog na sinasabing nagsimula dahil sa napabayaang gasera na ginagamit ng mag-asawa.