Dahil sa mga larong pambata, obrero kinatay ng kasamahan

Dahil sa walang maiba­haging kuwento ukol sa mga lumang larong pam­bata, pinagsasaksak hang­gang sa mapatay ang isang 37-anyos na obrero na kasa­mahan  nito, kamaka­lawa ng gabi sa Sta. Mesa, Maynila. 

Dead-on-arrival ang bik­timang si  Edwin Lopez, ng 3280 Magalllanes cor. Arellano Sts., Sta Mesa,  sa Our Lady of Lourdes Hos­pital sanhi ng mga tama ng saksak  sa katawan.

Habang hina-hunting naman ng pulisya ang  sus­pek na si Joey Alano, 27, kasamahan sa trabaho ng biktima na tumakas ma­tapos ang insidente.

Nabatid sa ulat na  ang in­sidente ay naganap da­kong alas-9 ng gabi sa loob mismo ng  tinitirhan nilang bahay sa 3280 Ma­gallanes corner Arellano Sts.

Bago ito ay masaya pa umanong  nag-iinuman ang biktima, suspek at ilang kasamahan sa trabaho sa loob ng bahay ng kanilang employeer na pag-aari ni Engr. Michael Garcia.

Habang nag-iinuman ay nagkuwentuhan ang mga ito kung sino sa kanila ang may nalalaman pa sa mga larong pambata tulad ng piko, step no at pitik bulag.

 Dahil sa kawalan ng maibabahaging kuwento ay isinagot ng suspek na sa suntukan na lamang sila magkuwentuhan na ikina­galit ng lasing na biktima kung kaya’t pumorma umano ang biktima na ma­ki­kipagsuntukan ito sa sus­pek ngunit mabilis naman na naawat sila ng kasama­han nila.

Inakala naman ng bik­tima na naayos na ang lahat matapos silang mag­kamayan at magyakapan ngunit  lingid sa kaalaman ng biktima ay  pumasok ang suspek sa loob ng kanilang kuwarto at kumuha ng kutsilyo at walang sabi-sabing pinagsasaksak ang biktima.(Grace dela Cruz)