Iniulat ni Ricardo Mejia, manager ng Mercury Drug and Convenience Store sa Libertad St. cor. EDSA, Brgy. Highway Hills ng lungsod na ito, ang insidente dakong alas-4:30 ng madaling-araw.
Sa ulat ni PO2 Julius Cezar Piñera, sakay ang pitong hindi pa nakikilalang suspect ng tatlong Enduro motorcycle na walang plaka at bumaba sa harap ng drugstore.
Pumasok ang 6 sa mga suspect at isa ang naiwan sa labas at tinutukan ng kalibre .45 ang guwardiya na si Pio Jeres.
Armado ng Uzi, kalibre .45 at M-16 armalites, inutusan ng mga suspect ang mga empleyado ng drugstore at ang nag-iisang kustomer na si Girlie Andalisa na yumuko.
Inutusan naman ng mga suspect si Mejia na buksan ang kaha ng drugstore at nilimas ang kita.
Tinangay din ng mga suspect ang 2 kalibre .38, Nokia 3310 at 3210 at hand-held radio bago tumakas patungong direksyon ng Barangka Drive. (Ulat ni Danilo Garcia)