Love story

Dear Banat News,

Hello sa  tanan nga mga suki  sa Love Story.

Ako diay si Jeryk,   22 years old, nag-work sa usa ka national government agency.

Lima ka bulan nako nga single diay . Akong last nga nauyab mao si Jerome , yes susama mi nga maya.

Nagkaila mi niya tungod lang sa usa ka mobile dating application .

Wala ko nag-expect nga mataypan ko ni Jerome   kay guwapo gyud baya siya.

Tulo   ka buwan mi nga magsige og date, hangtud nga nagkauyab gyud mi.

Maya ming duha nga dili kaayo basa maong dili ra mi mailhan nga mag-uyab kun manglaag mi.  Ang amo rasad nga soud nga mga higala ang nakahibaw sa among relasyon.

Usa sa akong naganahan ni Jerome kay ang iyang pagkaboutan. Dili sad ko boringan kun kami ang magkuyog.  Apan nahibulong nalang ko kay naabot ang panahon nga kalit ko niya nga gibuwagan. Wala mi nag-away apan iyaha kun gibuwagan. Sige ko og pangutana kun unsa ang iyang rason, dili siya moklaro og tubag.

Moingon ra siya nga deserving ko sa laing tawo maong angayan na daw nga magbuwag mi. Bisan unsaon nako og huna-huna , wala gyud mi giawayan niadtong higayona.

Sige ko og hilak ug ako gyud siya gihangyo  nga dili mi magbuwag apan sure na gyud siya sa iyang desisyon.  Mura ko og bata nga nagminatay og hilak. Gi-block dayon ko niya sa Facebook ug nag-usab siya og contact number.

Wala ko’y gana nga mokaon gyud, sulod sa usa ka bulan. Apan karon nga lima ka bulan nako nga single, hingpit na usab ko nga naka-move on niya. Dili ko kalimot sa gibuhat ni Jerome kanako apan ako na siya nga gipasaylo sa hilom.

Last week , ako nalang nahibaw-awn gikan sa istorya sa akong friends nga duna na kuno’y bag-ong uyab si Jerome apan usa na kini ka babaye.

Nakahinumdom na hinuon ko sa gisulti ni Jerome nako sauna nga wala gyud kahibalo ang iyang ginikanan sa iyang pagka-maya. Dako matud pa og expectation ang iyang ginikanan ilabi na nga nag-inusara ra siya nga anak. Ganahan gyud ang iyang ginikanan nga nga makabaton sila og apo.

Sa dihang gisulti kini ni Jerome sauna, wala ra gyud ko manumbaling kay nipasalig gyud baya siya nako nga dili ko iya biyaan.  Apan wala niya tumana ang iyang promise, wala ko’y mahimo ,igo nalang ko sa pagdawat sa kamatouran.

Karon nga naa na siya’y girlfriend , nakaingon ko nga igo ra gyud niya hatagan og katumanan ang pangandoy sa iyang ginikanan.

Request lang ko sa lyrics sa Leaves  sa Ben and Ben.

* * *

Hi Jeryk ! Thank you so much sa imong LOVE STORY! Paabuta ugma puhon ang imong request.

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH)   o Banat News. I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.