Love Story

Dear Banat News,

Maayong adlaw kaninyong tanan ilabi na sa mga suki sa Love Story.

Ako diay si Charis, 23 years old , nag-work sa usa ka coffee shop.

Duha ka bulan nako nga single. Akong last nga nauyab mao si George nga nag-work sa usa ka LGU.

Nagkaila mi niya tungod kay nagka-classmate mi niya pagka-college.

Wala nako damha nga mataypan ko ni George kay malditahon pud baya ko.

Upat ka bulan mi nga MU ang among level, hangtud nga ako siyang gisugot.

Pagsugot nako niya, diha siya nisulti nga na-crush na daw siya nako pag-una niya nga kita nako.

Gikilig ko sa iyang gisulti. Okay rapud baya si George kay grabe ka gentleman.

Siyempre , naa  gyud na ang hatud-kuha sa work.  

Apan wala nako damha, samtang nagkadugay mi, murag wala na siyay klaro sa among relasyon.

Kapila na nako siya nasakpan nga niduwa og laing girl.  Tungod kay love man nako, ako rapud siya gipasaylo.

Bisan paman nga kapila na nako siya gipasaylo, mobalik raman gihapon ang iyang pagkababaero uy.

Naabot na ang time nga ni-surrender nako ug wala nako nagpadala sa iyang mga sorry.

Nilungtad og tulo og ka tuig ang among relasyon. Ganahan siya makigbalik apan wala nako nisugot. Naluoy ko sa akong kaugaligon, dili nako magpadala niya.

Dunay laing lalaki ang nidiskarte nako karon. Kauban rapud nako siya sa work . Pagkahibalo sa akong ex nga dunay laing lalaki ang nidiskarte nako karon , magsige na siya og samok-samok nako apan dedma gihapon ko niya.Pasensya nalang, apan  dili nako magpauto-uto sa lalaki nga babaero kaayo.

Manghinaot lang ko nga tarong kining bag-o nga nidiskarte nako karon.  Dili dayon ko magpadalos-dalos sa akong desisyon. Maniid una ko sa iyang batasan para dili ko magmahay sa umaabot nga mga adlaw.

Request ko sa lyrics sa Binalewala by Michael Dutchi Libranda.

Hi Charis! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story  C/o Banat News