Love Story

Dear Banat News,

Una sa tanan lipay kaayo ko kay nakahigayon na gyud ko og suwat sa akong story.  Taod-taod na baya ko nga nagplano nga mopadala gyud og suwat kay paborito gyud nako ang inyong Love Story segment.  Suki man gud ako family sa Banat News.  Permi gyud ko mag-atang niini nga segment ug ako diay si Eunice, 22 years old ug usa ka college student.

Medyo, duna nay pareha gamay sa akong story, apan magpadala gihapon ko uy, naunhan lang ko nila.

Naa ko’y uyab ron, siya si Jose, pareha mi og edad ug usa siya ka tambay sa tinuod lang gikapoy nako og tambag sa akong boyfriend nga mo-eskwela apan gahi gihapon og ulo uy.

Pipila na ka higayon nga mopa-enrol siya kun bag-ong bukas sa klase, apan pila ka buwan moundang ra gihapon.  Sayang baya kaayo kay nakahuman na siya og duha ka semesters sa college apan pagtungtong og 2nd year college, didto na siya naglinabad sa pag-eskwela.

Akoang naila-ila si Jose tungod sa among silingan  dunay okasyon sa akong silingan ug susama mi nga bisita ug gipaila-ila dayon mi. Pag-ila ila namo dili kay nako siya feel  kay lagi nakita nako nga tambay ra.

Wala nako damha nga pagsige namo og uban-uban na-develop na man hinuon ko niya uy busa sa dihang nanguyab siya nako ako ra pud siya nga gisugot.

Bisan pa man sa iyang pagka-tambay, nakita nako ang iyang kabuotan  ug ka-sweet. Ako ang tawo nga dali ra kaayo pakiligon. Nakaingon ang uban nako nga friends nga wala kuno ko’y utok kay ako daw gisugot si Jose.

Ambot lang uy unsay nakaon nako nga ganahan man gyud ko niya. Kapila nako mo-aksyon og buwag niya apan dili madayon kay mopatigbabaw gyud ang akong gugma kaniya.  Aduna mi kasabotan kun dili gani siya mo-eskwela karong second semester, mohukom na gyud ko nga ako siyang buwagan.

Nagka-mature nako ug naa sa akong huna-huna nga mura’g wala siya’y plano sa among kaugmaon. Sa iyang pagkatapolan mo-eskwela, wala nay mahatag nga kaayohan sa akong kinabuhi kun pananglitan siya ang akong ma-bana puhon.

Kun diili gani siya motuman sa iyang saad karong next sem, pasensyaay na lang gyud. Dili ko malipay anang pagsige niya og tambay nga permi gasalig sa iyang ginikanan. Mo-request diay ko sa lyrics sa “Sana” nga giawit sa grupong  I Belong to the Zoo.

Hi Eunice! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News.