Love story

Dear Banat News,

Maayong adlaw sa tanang suki sa  Banat News,  tawga lang ko sa pangalan nga Jerome , 26 years old, nagtrabaho sa usa ka pharmacy ug usa ka bisexual.

Taod-taod na pud ko nga  single ug ako lang i-share ang kaagi nako sa katapusan nako nga nauyab nga susama ra pud nako og istado.

Akong last nga nauyab mao si Mario, 27 ug nagtrabaho sa usa ka restaurant.

Nilungtad og 10 months ang relasyon namo ni Mario  ug naabot gyud sa time nga wala nagkasinabot maong  nagkabuwag gyud mi. Nagkaila mi ni Mario tungod ra pud sa among common friends  nga nasabay namo sa mga laag.

Sa akong nahinumdoman siya ang una nga nangayo og number nako ug nitubay pud ko sa iyang mga text kay wa man sad ko’y lingaw.  Naabot sa punto nga magsige nami og kita. 

Sulod sa pila ka  buwan sa pagsige namo og date, nidiskarte  siya nako. Ako ra pud siya nga gisugot kay naganahan ra man sad ko niya. Cute pud  baya si Mario ug dili pud siya halata nga maya.

Matinud-anon ko nga pagka-uyab ni Mario, dedmahon gyud nako ang  ubang tawo nga  magparamdam nako.

Malipayon  kay ko  magkasinabot gyud mi sa bisan unsa nga tripping, sama sa mga laag ug pagkaon . Naabot ang oras  nga nibugnaw og kalit ang iyang tinagdan nako. Magsige ko og pangutana kun unsa gyud ang iyang problema, dili ra gyud siya motubag.

Didto nagsugod ang pagsige namo og lalis kay ambot lang ni Mario  uy, panagsa na lang gyud siya makigkita nako.

Busy na daw siya maong panagsa na lang daw mi magkita. Usahay kun mag-date mi magdali siya og lakaw kay naa pa siya laing importanteng lakaw.

Ubos na kaayo ang akong kaugalingon kay ako na lang permi mo-adjust. Hubag na kaayo akong mata sa pagsige og hilak kay mahadlok  ko nga magbuwag mi. 

Naabot ang time nga naluoy nako sa akong kaugalingon, wala na ju’y lami ang among relasyon ug dili nako happy. Love  nako siya pero mas love pa nako ang akong self.

Kay gikapoy na man ako, ako siyang gibuwagan ug nakugang  ko kay nisugot ra pud siya dayon.  Didto ko nagduda nga duna gyud siya’y gitagoan nako, Pag-abot og duha  ka buwan, sukad sa among panagbuwag, nakadungog na lang ko sa istorya gikan sa akong friends  nga duna na daw  bag-ong uyab si Mario .

Nagsakit gyud ang akong dughan pagkadungog sa maong balita, ug segurado ko kanang uyab niya karon kay mao na ang iyang giiring-iringan kaniadto sa dihang wala nay klaro  ang among relasyon. Dili nako motagad kang Mario. Happy nako karon sa akong pagka-single.  Mo-request lang ko sa lyrics sa Sana  by I Belong to the Zoo.

Hi Jerome! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini: Love Story C/o Banat News