Love story

Dear Banat News,

Hello sa tanang suki nga  readers sa Banat News. Dili gyud nako sipyaton ang pagbasa og LOVE STORY. Ako diay si MJ, lalaki, 22 years old  ug  nagtrabaho sa usa ka pharmacy.

Maulaw gyud ko sa una nga mo-share sa akong lovelife. Pero, nakahuna-huna ko nga okay ra man diay, mogamit lang ko og initials sa akong name para dili maklaro.

Naa nakoy uyab karon,  siya  si  Crisa,  pero sa tinuod lang, wala  man gyud ko’y love aning bayhana uy.   Naluoy lang ko, kay ganahan man gyud siya nako maong ako na lang gisakyan ang iyang pagka-sweet ug nagkasinabot nga mag-uyab nalang mi, basin pa diay ma-learn nako siya og love puhon.

Seguro moingon dayon  ang mga tawo salbahis ko nga pagkalalaki, andam rako modawat ana.  Si Crisa man gud, sige gukod nako, mangita gyud og way nga magkakita mi. Nasulod sa akong utok nga basin makat-on rako sa paghigugma niya puhon.

Nasayod si Crisa nga wala koy feelings kaniya, ang iyaha lang kay achievement na daw niya nga ako ang iyang uyab.

Sa una, kapila nako siya giprangkahan nga dili gyud ko niya, pero magsige gyud siya og gukod.

Nagkaila  mi ni Crisa  tungod kay  silingan mi. Ako ang una niya nga nasuod sukad sila nagpuyo sa among barangay.  Gikan man gud na sila sa Mindanao, namalhin na sila  og puyo sa Cebu tungod kay dinhi na nag-work ang iyang ginikanan.

Usa pud sa rason nga nisugot nalang ko nga mag-uyab ming Crisa  aron pud dali rako maka- move on sa akong ex.   Nasakitan man gud  ko sa gibuhat sa akong ex nga si  Dina, gibiyaan ko niya kay nakigbalik siya sa iyang ex.

Sugod niadto, si Crisa ra gyud ang naa sa akong kiliran ug nakatabang gyud siya sa pag-move on nako kang Dina.

Wala ko makahibalo kun kanus-a ko mahigugma kang Crisa, apan ako gyud nga paningkamotan nga ma-develop  ra gyud niya puhon.  Louy pud baya bayhana, kay kahibalo man gyud ang tibouk namo barkada sa among arrangement. Usahay gud, ingnon na siya  og “fake girlfriend” sa uban nako nga friends  nga dili  uyon niya. Ambot lang uy, ako naman gud nasudlan, ako nalang gyud ni nga panindigan.

Usahay mag-away ming Crisa, pero siya rapud ang mangita og paagi nga magtagad mi og balik.   Dunay higayon nga magsuplado ko og maayo para ma- discourage siya nako, pero  dili man gyud siya mo-surrender, mopilit gihapon siya nako.   Dinhi nalang ko kutob, kahibalo ko nga dili common akong story, pero dugay na gyud ko ganahan magpadala og story dinhi, Salamat kay nadayon na gyud.  Daghang salamat Banat News.  Mo-request lang ko sa lyrics ug chords sa Piling Mo  by Silent Sanctuary .

Hi MJ! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News