Love Story

Dear Banat News,

Good day sa tanang suki nga readers sa Banat News. Ako diay si Myca, 27 ug taga Tisa, Cebu City. Ganahan lang ko mo-share sa akong love story.

Malingaw gyud ko mobasa sa kini nga segment every Tuesday.

Maayo kaayo ang dagan sa among relationship ni  Niño John, 27  nga taga  Capitol Busay, Cebu City.

Pareho  ming duha  nga nagtrabaho isip supervisor sa usa ka restaurant (same company) , pero   lahi-lahi  mi og branch.

Niabot na karon og duha ka tuig ang among relasyon ug dili malikayan usahay nga mabalaka gyud ko kay basin maabot ang panahon nga mapul-an siya nako.

Normal  man  tingali ni akong gibati, kay dili jud baya ko ganahan nga mawala si Niño John sa akong kinabuhi.

Nagkaila mi niya tungod ra gyud  kay nagkatupad mi og lingkod  sa gitambongan namo nga seminar sa company nga among gitrabahoan.

Sa unang adlaw sa seminar, nakabantay ko nga dinhi gyud siya nitupad sa ako bisan daghan pa kaayo og bakante nga lingkuranan. Nakugang ko kay iya dayon ko nga giistoryahan nga ganahan lang daw siya motupad nako  para daw  dili siya laayan sa seminar.

Nag ila-ila dayon mi sa usa’g-usa ug didto nako nakita ang iyang ka-cute. Bisan same mi og company, mao ra gyud tong higayona nga nagkaila mi.

Pag-abot sa break time,  kami   gihapon ang nagtupad sa pagpangaon. Sige mi og istorya.

Hangtud naabot sa punto nga nagpinangayoay nami sa among mga contact numbers.

Wala ko nahimutang samtang nag-atubang mi sa pagpangaon kay guwapo man gyud kaayo siya. Haha.

Bisan kinsa nga girl tingali,  mosugot gyud  uy nga  dunay guwapo nga makig-share og table sa ilang pagpangaon.

Naganahan na hinuon ko niya kay dili siya arte, unya lami gyud kaayo mo-smile. Paghuman sa among seminar  nagsugod na ang grabe namo nga teksanay ug chat sa FB. Nagsige na mi og date.

Pag-abot sa tulo  ka buwan nga dating stage  nidiskarte na gyud si Niño John nako  ug nisugot dayon ko uy, kay dugay na gyud ko naghuwat nga iya kung panguyaban.Na-develop daw siya nako kay  bahala’g kikay kaayo akong batasan,  malipayon daw siya kun ako ang iyang kauban, nakaingon gyud ko sa akong kaugalingon, “suwerte” gyud ko  nga naabot siya  akong kinabuhi.   Permi namo awayan  mao ang among ka-busy, pero amo  gyud nga gipaneguro nga dili   gyud modako.  Seguro ang sekreto sa lig-ong relasyon mao ang pagsinabtanay. Bilib  gyud ko niya kay dili gyud siya magpadala kun dunay ubang girls nga mo-flirt kaniya. Gani pabasahon ko niya sa mga mo-chat nga uban girl kaniya. Iyaha ra gyud kini nga i-seen. Dili  kay ko tantong  guwapa, arang-arang lang pero naka-uyab ko og puwerting guwapoha ug buotan pa gyud. Request diay ko og lyrics sa  Perfect  by Ed Sheeran.

Hi Myca! Thank you so much sa imong LOVE STORY! Paabuta ugma puhon ang imong request

Dear HUGYAWnatics, aduna ba kamoy LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story C/o Banat News