Pero wala mosugot ang lalaki. Gigabling siya niini ug hinay nga gipahigda sa kama. Gikaligoan siya’g halok niini sa lainlaing parte sa iyang lawas. May mga higayon nga mopusnga siya. Daw balod sa habagat ang hinagkan sa lalaki, wala’y pagkutat. Unya gikabhan siya niini. Wala madugay, nagsakakanaog na kini sa ibabaw sa hubo niyang lawas. Daw giganoy siya niini aron magtambayayong sila pagkatkat sa hagdanan sa ikapitong langit.
Mihangos sila human makatikang sa kataposang ang-ang sa himaya. Unya matagbawon silang mitiurok ug nahugno. Pareho silang mihangos sa kakutas. Mikawas ang lalaki gikan sa ibabaw niya ug mihigda s iyang tupad. Nagpahunas una sila sa mitaob nga kakutas sa nag-akod nilang ginhawaan.
“Unsay imong ngan?” Nangutana ang lalaki pagkataudtaod.
“Claire,” mubo niyang tubag. “Ikaw?”
“Tawga lang ko’g Ryan.” -- Sumpayan pa