Mata sa Kasingkasing
Gula 99
Tungod kay wa ka mosud sa klase kaganina. Dili usual nga imo kining buhaton, Angeline, maong nagduda ko. Labina nga wa sab moklase si Robert.”
Wala motingog si Angeline. Sa iyang pagsabot, mora’g nagselos si Erik kang Robert. Pero gibakwi lang sab dayon niya ang maong pangagpas. Nasayop lang tingali siya sa pagsabot. Imposibleng magselos si Erik kang Robert.
“Si Robert kadtong imong kauban nga nagsakay sa traysikol, di ba?” Gikan kang Erik.
“Oo,” laktod nga tubag ni Angeline. “Ngano man diay?”
“Di man tingali daotan ang akong gibuhat, Erik?” Buotan man siya ngari nako.”
“Nanghuwam lang na siya’g batasan kay nanguyab man siya nimo. Plastik kanang tawhana. Bulero. Palikero.”
“Ayaw kabalaka, Erik. Di ko madala sa iyang mga bulada.”
“Diin man mo gikan?” Nganong nagabhian man mo?”
“Nanuroy mi. Naglulinghayaw.” -- Sumpayan pa
- Latest
- Trending
